Maxfiylik siyosati
Yangilangan: 30.09.2026
Saytdan ro‘yxatdan o‘tmasdan foydalanish mumkin. Biz ism, telefon yoki e-pochta so‘ramaymiz va reklama cookie’larini ishlatmaymiz.
Brauzeringizda nima saqlanadi
Tasodifiy qurilma raqami (“Siz uchun” tavsiyalari uchun), pleyer holati (navbat, ovoz balandligi), sevimlilar, tanlangan rang, matn yozuvi (lotin/kirill) va mashina rejimi. Ular faqat shu brauzerda turadi va brauzer ma’lumotlari bilan birga o‘chadi.
Serverda nima saqlanadi
- Tinglash tarixi va did: qaysi qo‘shiqni tingladingiz, oxirigacha eshitdingiz, o‘tkazib yubordingiz, yoqtirdingiz yoki yuklab oldingiz — qurilma raqami (kirgan bo‘lsangiz, hisobingiz) bilan. Faqat tavsiyalar, “Haftalik miks” va “Yil yakuni” uchun ishlatiladi. Uni istalgan vaqt Tarix sahifasida o‘chirish mumkin — shundan tuzilgan miks va yillik hisob ham birga o‘chadi.
- Umumiy statistika: qo‘shiqlarning tinglanish va yuklab olinish soni — sizga bog‘lanmagan holda.
- Qidiruv so‘rovlari — sizga bog‘lanmagan holda, qaysi qo‘shiqlar yetishmasligini bilish uchun.
- Telegram orqali kirsangiz: Telegram ID, ism va username, obunalar hamda kunlik tanlov sozlamasi.
- Aloqa formasi va matn takliflari: siz yozgan matn va javob uchun aloqa. IP manzil faqat shifrlangan (xesh) holda — qayta-qayta yuborishni cheklash uchun saqlanadi.
- Server jurnallari: IP manzil va so‘rovlar 14 kun saqlanadi — xavfsizlik va nosozliklarni topish uchun.
Cookie
Saytga kirganlar uchun: kirish sessiyasi (fmsid) va “meni eslab qol” (fmrem). Barcha tashrifchilar uchun — Yandex Metrika statistika xizmatining cookie’lari (_ym_*), pastda batafsil.
Uchinchi tomonlar
Telegram — kirish va bot uchun. YouTube — klip faqat o‘zingiz bosganingizda yuklanadi (youtube-nocookie). Yandex Metrika — tashriflar statistikasi (shaxsingizga bog‘lanmagan): sahifalar, o‘tishlar, bosishlar hamda Vebvizor — saytni qulayroq qilish uchun sahifadagi harakatlar yozuvi (shartlari: yandex.ru/legal/metrica_termsofuse). Ma’lumotlaringizni hech kimga sotmaymiz va bermaymiz.